Asociacioni i Gazetarëve të Kosovës ka reaguar për tentim zjarrvënien në shtëpinë e gazetarit dhe redaktorit në RTK, Alban Selimi.
Selimi, i cili është gazetar që shumë vite dhe është marr kryesisht me shëndetësi, ka njoftuar dje se në garazhin e shtëpisë së tij dikush ka tentuar t’ia vë flakën. Selimi e ka raportuar rastin në organet e drejtësisë, derisa ka deklaruar se dikush po tenton ta frikësojë, shkruan Gazeta Shneta.
“Dikush ia vuni flaken; me m’frikesu. S’ia arrijne qellimit!”, ka shkruar ai.
“Për AGK-në kërcënime të tilla janë tërësisht të papranueshme dhe e cenojnë rëndë lirinë e shprehjes dhe ndikojnë në punën e gazetarëve për të raportuar në një ambient të sigurt. Andaj, kërkojmë urgjentisht nga organet kompetente që të hetohen motivet e këtij sulmi, dhe autori të vihet para drejtësisë”, thuhet në reagimin e AGK-së.
Reagimi i plotë:
Shqetësuese tentim frikësimi ndaj redaktorit Alban Selimi
Asociacioni i Gazetarëve të Kosovës me shqetësim ka pranuar lajmin për tentim zjarrvënien e garazhit të redaktorit të transmetuesit publik, Alban Selimi.
Selimi mbrëmjen e djeshme përmes rrjetit social Facebook, ka treguar se dikush ka tentuar ta frikësojë atë me këtë akt, por që nuk ia ka arritur qëllimit.
“Dikush ia vuni flaken; me m’frikesu. S’ia arrijne qellimit!”, ka shkruar ai.
Për AGK-në kërcënime të tilla janë tërësisht të papranueshme dhe e cenojnë rëndë lirinë e shprehjes dhe ndikojnë në punën e gazetarëve për të raportuar në një ambient të sigurt. Andaj, kërkojmë urgjentisht nga organet kompetente që të hetohen motivet e këtij sulmi, dhe autori të vihet para drejtësisë.
Çdo sulm ndaj gazetarëve është një sulm ndaj interesit publik, demokracisë dhe të drejtave të gjithë qytetarëve.