Amniocenteza është një procedurë mjekësore e cila ndihmon në diagnostikimin e anomalive kromozomale të fetusit.Kjo procedurë realizohet përmes një gjilpëre e cila depërton në barkun e nënës për të mbledhur një mostër të lëngut amniotik.
Amniocenteza realizohet mes javës 15 dhe 20 të shtatzënisë dhe shkalla e ndërlikimeve është shumë e ulët shkruan Very Well Family, transmeton Gazeta Shneta.
Mësoni më shumë rreth komplikimeve gjatë shtatzënisë KËTU
Benefitet që sjell kjo procedurë përfshijnë mundësinë që prindërit të informohen rreth shëndetit të fetusit dhe nëse ai përballet me një nga çrregullimet kromozomale.
Pse është e rëndësishme?
Mjeku juaj mund t’ju rekomandojë amniocentezën, nëse jeni mbi moshën 35-vjeçare, për një numër arsyjesh duke përfshirë moshën tuaj, historinë familjare.
Në rast se testi i depistimit gjenetik rezulton pozitiv do të thotë se egziston një rrezik në rritje për anomalitë kromozomale, dhe jo se është gjetur një anomali përfundimtare.
Arsyjet tjera, përfshijnë:
-Testimi i pjekurisë së mushkërive;
-Polihidramnios (sasia e lartë e lëngut amniotik);
-Infeksion në mitër;
Përmes amniocentezës mund të zbulohet:
-Anomalitë kromozomale, si Sindroma Down
-Infeksionet kongjenitale, si rubeola, virusi Zika
-Fibroza cistike;
-Defektet e tubit nervor si spina bifida./GazetaShneta/