Për shumicën e prindërve të ardhshëm nuk është krejt njësoj gjinia e fëmijëve të tyre. Nëse edhe ju jeni ndër ata, provoni ndonjërën nga këto metoda të pazakonshme të ngjizjes vajzë apo djalë, të cilat premtojnë sukses.
Sipas statistikave, shanset që të bëheni me djalë apo me vajzë janë përafërsisht 50:50.
Mirëpo, nëse vërtetë keni vendosur që ta planifikoni vetë gjininë e fëmijës tuaj, atëherë nuk do të ishte keq që të aplikoni metodat alternative dhe të provoni ndonjërën nga këto teknika për lindjen e bebes sipas dëshirës tuaj.
Tabela kineze e gjinisë
Edhe pse shkencëtarët e përmantojnë një gjë të tillë, studimet kanë treguar se kjo tabelë në 50% të rasteve e tregon gjininë. Sipas saj, elementet e tokës, ajrit, zjarrit dhe ujit në shpirtin e prindit mund të ndikojnë në fatin dhe gjininë e fëmijës, ndërsa kalkulohet sipas moshës së nënës në periudhën e konceptimit.
Metoda e dr. Landrum Shettles
Kjo metodë ka vlerën e saj shkencore, ndërsa dr. Shettles pohon se, është e suksesshme në 80% të rasteve nëse çifti dëshiron mashkull, 75% nëse dëshiron femër. Kjo metodë themelohet në kurdisjen e seksit sipas ovulacionit, kështu që, ata që dëshirojnë mashkull duhet të kenë seks në ditën e fillimit të ovulacionit ndërsa ata që dëshirojnë femër duhet të kenë seks 3-4 ditë para ovulacionit. Shettles pohon se, metoda e tij është e saktë, pasi gameta që përmban kromozomin X është më e ngadalshme në lëvizje mirëpo jeton më gjatë se kromozomi Y, i cili është jetëshkurtër dhe i shpejtë.
Ndikimi i ushqimit
Kjo metodë është duke fituar kritika pozitive nga prindërit e rinj, ndërsa themelohet në besimin se mënyra e të ushqyerit e nënës ndikon në gjininë e foshnjës, pasi e ndryshon aciditetin pH të traktit riprodhues. Kromozomet Y mashkullore janë më të suksesshme në mjedis alkali, ndërsa ato X femërore dëshirojnë më tepër mjedis acidik. Kështu që, nëse çifti dëshiron mashkull, nëna duhet të hajë më tepër mish, vezë, në përgjithësi ushqime që përmbajnë proteinë. Për femra, duhet të ushqeheni me ushqime të pasura me kalcium- andaj duhet të pini qumësht, të han peshk, sallatë të gjelbër…
Metoda 0+12
Këtë metodë e ka zbuluar një nënë australiane e cila ka patur gjashtë djem dhe ka shpresuar për vajzë. Pasi ka provuar metoda të ndryshme, ka provuar të bëjë seks saktësisht 12 orë pas ovulacionit. Ia ka dalur me vetëm një marrëdhënie të konceptojë vajzë. Pas disa viteve, kjo metodë është treguar të jetë 70% e suksesshme.
Rregullimi në një pozicion të caktuar
Kjo metodë themelohet në lëvizjen e shpejtë të spermatozoideve mashkullore ndaj atyre më të ngadalshme femërore. Aciditeti i vagjinës e rrezikon konceptimin, andaj ata që dëshirojnë që foshnja të jetë djalë duhet të rregullohen në pozita të tilla që mundësojnë penetrim të thellë gjatë ovulacionit.