Shtatzënia, si një pritje e lumtur, përfshin edhe vendime të mëdha, në mesin e të cilave bën pjesë edhe zgjedhja e kontrollit dhe bërja e testeve prenatale.
Që të ua lehtësojmë zgjidhjën kemi përgatitur krahasimin e matjës së translucencës nuhale dhe testit Nifty Plus të cilat shtatzënat më së shpeshti e bëjnë.
Çka është kontrolli i translucencës nuhëale dhe si realizohet?
Translucenca nuhale është emri për zonën transparente që gjendet në pjesën e pasme të qafës së foshnjës, dhe matja e tij bëhet me anë të ultrazërit. Ekzaminimi është joinvaziv dhe nuk e dëmton frytin, kryesisht bëhet me vendosjen e sondës në murin e barkut.
Me ekzaminimin e translucencës nuhale vlerësohet mundësia e gabimeve kromozomale T21, T18 dhe T13, që tregojnë trashësinë e shtuar të pjesës transparente të pjesë së nuhales në pjesën e pasme të qafës së frytit. Gjinekologu me atë rast mund të bëjë edhe ekzaminim të përgjithshëm të zhvillimit të frytit dhe të përcaktojë datën e pritshme të lindjes. Ekzaminimi i translucencës nuhale bëhet në mes të javës 11 dhe 14-të të shtatzënisë dhe vetë kontrolli zgjat diku mes 15 dhe 20 minutave.
Çfarë është testi Nifty Plus dhe si realizohet?
Testi Nifty Plus është test joinvaziv prenatal i cili zbulon sindromet Down, Edwards dhe Patau, anuoploditë e kromozomeve gjinore, trisomitë tjera dhe një sërë delecione dhe duplikacione që mund të kenë ndikim në zhvillimin e frytit.
Për realizimin e testit nevojitet një mostër e vogël e gjakut nga vena e nënës, për këtë testi Nifty Plus është plotësisht i parrezikshëm për frytin.
[Nifty Plus tani mund ta paguani edhe me këste në Kosovë]
Mostra dërgohet në laborator, dhe rezultatet janë të gatshme për 6 deri në 8 ditë të punës.
Testi mund të bëhet nga java e 10-të e shtatzënisë, atëherë në gjakun e nënës kryesisht gjendet koncentrim i plotë i materialit trashëgues të frytit.
Saktësia e rezultateve të ekzaminimit
Matja e translucencës nuhale
Mangësia më e madhe e matjes së translucencës nuhale është fakti se zbulohet në mes të 70% dhe 80% të frytit me sindromën Down. Kjo do të thotë që në 100 ekzaminime prania e sindromës nuk do të identifikohet nga 20 deri në 30 ekzaminime.
Nëse ekzaminimit i shtoni matjen e vlerës së dyfishtë të testit hormonal (betaHCG dhe PAPP-a në gjakun e nënës) vlera pozitive parashikuese rritet nga 85-90%.
Te ekzaminimi i translucencës nuhale paraqitet përafërsisht 5% e rezultateve pozitive të rrejshme, që është problematike, sepse në këtë mënyrë shtatzëna i ekspozohet rrezikut të panevojshëm të testeve invazive diagnostike.
Testi Nifty Plus
Testi Nifty Plus është zakonisht më i saktë krahasuar me ekzaminimin e translucencës nuhale. Shkalla e njohjes së tre trisomive më të shpeshta të cilat janë prezente te lindja te testi Nifty Plus është më e lartë se 99%.
Përparësia themelore gjithashtu është përqindja më e vogël e rezultateve pozitive të rrejshme:
– Për sindromën Down (T21) është 0,05%
– Për trisomitë e përgjithshme është 0,14%.
Si pasojë, më pak shtatzëna janë të ekspozuara metodës invazive të diagnostifikimit.
Çfarë kuptojmë me ekzaminimin?
Ekzaminimi i translucencës nuhale
Gjinekologu gjatë kontrollit e matë zonën e translucencës nuhale. Kur është zona më e madhe prej 2,5 mm vlerësohet si abnormale.
Rezultatet tregojnë rrezikun më të madh për sindromën Down. Ekzaminimi tregon rrezikun e mundshëm për sindromën Edwards dhe Patau, që janë të rralla dhe kryesisht janë shkak i abortit spontan në shtatzëninë e hershme. Nëse rreziku është me parregullsi kromozomale të frytit më e madhe se 1:300, rekomandohen ekzaminime më të detajuara.
Mënyra e vetme që me 100 siguri përcakton prezencën e parregullsive kromozomale është testi invaziv diagnostik – biopsia e vileve korionike apo amniocenteza. Kjo metodë diagnostike paraqet rrezik për abort deri në 1% të pacientëve, dhe për këtë vendimi për të këtë metodë të diagnostifikimit nuk është e lehtë.
Për fat të mirë, para kontrollit invaziv, mund të vendosni për testin Nifty Plus.
Përveç të lartëcekurit në ekzaminimin e translucencës nuhale matet edhe gjatësia e qafës së mitrës, anatomia embrionale e kafkës, veshkat, barku, fshikëza dhe kontrolli i prezencës së katër ekstremiteteve. Me këtë gjinekologu mund të konstatoj edhe disa parregullsi tjera në zhvillimin e frytit.
Testi Nifty Plus
Testi Nifty Plus në radhë të parë zbulon 3 parregullsitë më të shpeshta kromozomale që janë prezente te lindja – sindroma Down, Edwards dhe Patau. Mund të zbulohet gjinia e foshnjës, nëse dëshironi.
Ekzaminimet shtesë varen nga pakoja e përzgjedhur: Nifty Plus zbulon edhe:
– Anupoliditë e kromozomeve seksuale (Turner, Klinefelterov, X i trefishtë dhe sindroma XXY),
– Tri trisomitë shtesë (trisomitë e kromozomit 9, 16 dhe 22),
– 60 sindroma të mundshme të delecioneve dhe duplikacioneve.
Në rast që testi Nifty Plus tregon rrezik të lartë për njërën nga parregullsitë, shtatzënës i rekomandohet amniocenteza e cila dyshimin e konfirmon ose e mohon.
Cilat ekzaminime të zgjidhen?
Ekzaminimi i translucencës nuhale dhe testi Nifty Plus nuk e përjashtojnë njëra-tjetrën. Kishte me qenë ideale të bëhen të dyja. Me ekzaminimin e translucencës nuhale me kontroll të ultrazërit mund të shihen parregullsitë tjera morfologjike, që jo patjetër janë burim gjenetik dhe Nifty Plus nuk mund t’i detektojë. Gjithashtu ekzaminimi i translucencës nuhale nuk është aq i saktë si Nifty Plus dhe shpesh nuk i njeh parregullsitë, andaj për shtatzëninë më të qetë rekomandojmë të bëhen të dy testet.
Nifty Plus tani mund ta paguani edhe me këste në Kosovë. Për të mësuar më shumë Testin Nifty Plus Klikoni KËTU.