Coronavirus: A mund të jenë sytë një portë hyrëse për virusin që shkakton Sars-Cov-2

2020-10-28 në ora 18:12

Simptomat e koronavirusit, janë një grup i madh shenjash paralajmëruese që prekin pothuajse çdo pjesë të trupit.

Koronavirusi i ri, filloi si një burim shpërthimi në Wuhan dhe u përhap nga atje në pjesën tjetër të botës shkruan Express.co.uk përcjell Gazeta Shneta.

Mushkëritë janë vendi i prekur kryesisht nga Covid ‐ 19 dhe forma e rëndë e sëmundjes karakterizohet nga pneumonia e rëndë dhe sindroma e distresit respirator akut.

Shumë pacientë me Covid, kanë përshkruar probleme me sytë e tyre duke çuar në spekulime nëse kjo sëmundje është përhapur përmes syve.

Në një studim të botuar në ‘Wiley Online Library’, konjuktiviti dhe Covid-19 u hulumtuan më tej.

Për të kuptuar më shumë rreth komplikimeve gjatë shtatzënisë KLIKO KËTU.

Studimi vuri në dukje se: “Trakti i frymëmarrjes nuk është ndoshta rruga e vetme e transmetimit për këtë infeksion viral; disa autorë supozuan se pikat e kollitjes ose teshtitjes me virus, ose duart e infektuara, mund të kontaminojnë konjuktivën, që mund të përfaqësojë vendin fillestar të një infeksioni të përhapur.

Konjuktiviti, e quajtur ndryshe edhe syri rozë, është një sëmundje e shpeshtë dhe etiologjia e tij mund të jetë bakteriale ose virale.

Studimet e fundit treguan se konjuktiviti mund të ishte një manifestim i Covid ‐ 19.

Kjo është për shkak se koronavirusi bllokon receptorët ACE-2 në qelizat e konjuktivës, receptorë të ngjashëm gjenden në traktin respirator dhe mushkëritë“.

Për shkak se syri mund të konsiderohet si një portë e drejtpërdrejtë e mundshme e hyrjes për virusin, është me interes të analizohet lidhja midis konjuktivitit dhe ashpërsisë së Covid ‐ 19.

Simptomat tipike të konjuktivitit përfshijnë: sytë e përgjakur, ndjesi e djegur ose e mprehtë, qelb që ngjitet në qerpikë, kruarje dhe skuqje ose dhe lotim i tepërt. /Gazeta Shneta/