A është e sigurt të pini barna të cilave u ka kaluar afati?

2017-05-09 në ora 12:00

Ekzistojnë disa faktorë të cilët përcaktojnë se a është e sigurt të përdoren barnat pas kalimit të afatit.

Kjo varet nga koha e skadimit të afatit dhe mënyra në të cilën është ruajtur, thotë David Nierenberg, shef i njësisë së Farmakologjisë dhe Toksikologjisë në qendrën mjekësore Dartmouth Hitchcock.

Hulumtimet shkencore kanë treguar që barnat kanë efekt një kohë të gjatë pas kalimit të afatit të përdorimit, transmeton Telegrafi.

Ky është lajm i mirë për njerëzit të cilëve u nevojitet diçka urgjentisht apo dëshirojnë të kursejnë para.

Mirëpo, ekspertët thonë që ekzistojnë disa barna të cilat nuk do të duhej t’i përdorni pas kalimit të afatit.

Barnat e lëngëta posaçërisht duhet shmangur. Përmbajtja e shishes është sterile deri kur hapet, sepse kur hapet bari i lëngët, bëhet shumë i ndjeshëm ndaj kontaminimit bakterial.

Kjo ka të bëjë posaçërisht me pikat për sy, thonë ekspertët.

Gjithashtu do të duhej seriozisht të kuptoni udhëzimet mbi vendin e ruajtjes së barit.

Për shembull, nitroglicerina, tabletat të cilat zakonisht u përshkruhen njerëzve të cilët kanë angjinë apo sëmundje koronare të zemrës janë jashtëzakonisht të ndjeshme ndaj nxehtësisë ekstreme.

Prandaj nuk rekomandohet që këto tableta t’i mbani në veturë, madje as në kasetë.

Gjithashtu do të duhej të mendoni për antibiotikët, shkruan Huffington  post.

Nëse keni infeksion serioz dhe gjeni antibiotiket e mbetur në dollapin tuaj, nuk ekziston mënyrë se si të konstatoni se a ka veprim të dobësuar bari, prandaj nuk ia vlen të rrezikoni.