Gjinekologu Ahmet Panxhaj ka këshilluar gratë shtatzëna që të kryejnë testet e nevojshme. Ai ka treguar se cilat gra duhet që të bëjnë patjetër testin Nifty
Mjeku ka shpjeguar se gratë shtatzëna gjatë gjithë shtatzënisë deri në lindje i nënshtrohen një frike nëse gjithçka do të shkojë mirë dhe nëse fëmija është i shëndosh. Kjo sipas tij ndikon në ngarkesën psikike të gruas shtatzënë, shkruan Gazeta Shneta.
Gjinekologu Panxhaj thotë për Gazetën Shneta se për t’i hequr këto shqetësime të shtatzënave deri më tani janë bërë analiza të gjakut si Triple Test, mirëpo nuk kanë dhënë rezultate të sakta për gjendjen gjenetike të fetusit.
“Shumë herë është dashur që për të vërtetuar një gjendje të dyshimtë të bëhet ndërhyrje agresive në gruan shtatzënë në mënyrë që t’i marrim qëlizat e trofoblastit (Chorionbiopsija) ose të marrim ujin amnial e cila quhet Amniocenteza”.
Por tani këto procedura që rrezikojnë shëndetin e grave shtatzëna, tani nuk janë të nevojshme pasi të gjitha rezultatet për shëndetin e fetusit mund të merren përmes gjakut të nënës.
“Kohët e fundit shkenca e perinatologjisë ka avancuar dukshëm në këtë lëmi. Është zbuluar që pjesë të lira të AND të të qelizave të trofoblastit kalojnë në gjakun e nënës, dhe me marrjen e një doze gjak prej 10 ml. të nënës shtatzënë ne mundemi me analizu gjendjen gjenetike të fetusit. Kjo gjë mund të kryhet me NIFTY test”, ka thënë Panxhaj.
Gjinekologu tregon tutje se testi Nifty është i sigurt dhe zbulon këto çrregullime: Trizomise se kromozomeve: (çrregullim i numrit te kromozomeve); Trisomia 21 (Sindromi Down); Trisomia 18 (Sindroma Edward); Trisomia 13 (Sindroma Pata); Trisomia e kromozomit 9; Trisomia e kromozomit 16; Trisomia e kromosomit 22; Dhe zbulimin e një sërë sindromesh të shkaktuara nga çrregullimet e quajtura Mikrodelecione dhe Duplikacione të kromozomeve.
Me këtë analizë zbulohen edhe sëmundjet e ashtuquajtura Aneuploidite e kromozomeve seksuale: Sindromi Turner (monosomia X), Sindromi Klinefelter(trisomia XXY), Sindromi I X-it te trefisht (trisomia XXX); Sindromi Jakobs (trisomia XYY);
“Është me rëndësi të ceket se me NIFTY TEST prej javës së 10-të të shtatzënisë mund të zbulohet gjinia e fetusit. Ky test është shumë i saktë ashtu që ndjeshmëria dhe niveli i specifitetit është mbi 99%”, ka deklaruar Panxhaj.
Gjinekologu ka deklaruar se testi Nifty duhet të kryhet në mënyrë obligative tek këto gra shtatzëna:
-Shtatzëna me e vjetër se 36 vjeçe
-Shtatzëna që ka pas 3 ose më shumë aborte të një pas njëshme
-Shtatzëna që ka lind një fëmijë me ndryshime kromozomale
-Shtatzëna që në familje të ngushtë ka të lindur fëmijë me kësi lloj ndryshimesh
-Shtatzëna që ka filluar me IVF
-Shtatzëna diabetike
-Shtatzënat tek të cilat me Dabel dhe Tripel test si dhe me dyshime ultrasonografike dyshohet për mundësinë e çrregullimeve kromozomale.
“Mirëpo është mirë që të gjitha gratë shtatzëna ta bëjnë këtë test në mënyrë që prej javës se 10-të të shtatzënisë të jenë të sigurta që kanë me lind një fëmijë gjenetikisht të shëndosh”, ka shpjeguar gjinekologu Ahmet Panxhaj. /Gazeta Shneta/
Për të mësuar më shumë për Testin Nifty Klikoni KËTU.