Gjyshja e kthen nipin në klinikën që ka lindur për një arsye shumë banale

2017-04-05 në ora 12:54

Një gjyshe dyshohet se e dërgoi nipin e saj të porsalindur në klinikë për të kërkuar një tjetër fëmijë sepse ai ishte shumë i shëmtuar.

Gruaja, emri i së cilës nuk përmendet në raport, ka shkuar në klinikën “Santa Marta” të Kolumbisë, dhe ka akuzuar stafin se e kanë shkëmbyer foshnjën me një tjetër.

Gjyshja kërkoi që t’i jepet një bebe tjetër pasi ai që kishte në dorë nuk është nipi i saj dhe se mund të ishte shkëmbyer, por stafi pretendon se një gjë e tillë nuk ka ndodhur sepse atë ditë në klinikë ka lindur vetëm një fëmijë.

Sekretari i klinikës “Santa Marta”, Carlos Pallares,tha :-“Gjyshja nuk ishte shumë e lumtur. Ajo nuk e pranon dot fëmijën si një anëtar të ri të familjes dhe për këtë arsye vendosi që ta kthejë atë në klinikë së bashku me nënën dhe babanë e foshnjës. Ata u larguan së bashku me foshnjën, por me parë stafi i klinikës i bëri një kontroll shëndetësor foshnjës”.

Zëdhënësi i Këshillit të Qytetit, Chadan Rosado,tha se gjyshja ishte duke u trajtuar nga një psikolog dhe njerëzit nuk duhet të jenë të nxituar për ta gjykuar atë për veprimet që ka bërë.

Raportohet se foshnja është në gjendje të mirë shëndetësore dhe ndodhet pranë prindërve të tij. Është e paqartë se pse gjyshja mendonte se fëmija ishte i shëmtuar./gazetametro.net