Grabitet me armë një pikë karburanti e ‘Al-Petrolit’ në Prishtinë

2017-03-02 në ora 17:07

Një pikë karburanti e kompanisë ‘Al-Petrol’ është grabitur në Prishtinë.

Ngjarja ka ndodhur mbrëmë rreth mesnatës në pikën e kësaj kompanie në Bregun e Diellit në kryeqytet, raporton Gazeta Shneta.

Këtë e ka konfirmuar edhe zëdhënësja e Policisë së Kosovës, Flora Ahmeti.

“Mbrëmë në rrugën ‘Isa Kastrati’ në një pikë karburanti ka ndodhur një grabitje e armatosur. Policia është duke u marr me rastin”, ka deklaruar Ahmeti për Gazeta Shneta.

Dëshmitarët tregojnë se pas grabitjes Policia ka dal në vendin e ngjarjes duke bërë edhe kontrolle nëpër lagje.

Ende nuk dihet shuma e parave që hajnat kanë arritur t’i vjedhin dhe nëse ka ndonjë të dyshuar për rastin. /Gazeta Shneta/