Mjekimi Intensiv Qendror dhe njësia Koronare e Kardiologjisë janë rikthyer në hapësirat e veta pas rënies së numrit të pacientëve të sëmurë me Covid-19.
Zyra për Media e SHSKUK-së ka njoftuar se pas renovimeve të nevojshme, dezinfektimit dhe bartjes së pajisjeve mjekësore, pacientët e Mjekimit Intensiv Traumatik, janë rikthyer në hapësirat ku kanë qenë të vendosur më parë.
“Me vendim të Komitetit të ShSKUK-së, për menaxhim të situatës me Covid-19, ditë më parë këto hapësira ishin liruar, meqë numri i pacientëve me Covid kishte rënë ndjeshëm. Hapësira që deri tani ka shërbyer për Mjekim Intensiv Qendror Traumatik, do të rikthehet në shërbim të Njësisë Koronare të Klinikës së Kardiologjisë”, thuhet në njoftimin e SHSKUK-së. /Gazeta Shneta/