Përderisa testimi gjenetik i ka dhënë grave dhe burrave një informacion për shëndetin e tyre dhe rrezikun rreth sëmundjeve, ai gjithashtu ka krijuar një sfidë të re për prindërit dhe ekspertët mjekësorë: kur të ndani informacion me fëmijët që mund të trashëgojnë një rrezik gjenetik.
Në mjekësinë gjenetike, të miturit zakonisht nuk testohen për mutacione BRCA, të cilat rrisin rrezikun e kancerit të gjirit dhe kancerit ovarian.
Shqetësimi është se fëmijët shpesh nuk kanë pjekurinë për të kuptuar plotësisht ndërlikimet e një rreziku gjenetik dhe se ata nuk duhet të ngarkohen me këtë informacion, përderisa ata të jenë të rritur që mund të marrin pjesë në vendimin për t’u testuar apo jo shkruan NY Times, transmeton Gazeta Shneta.
Shumë ekspertë rekomandojnë që femrat të presin për t’u testuar deri në moshën 25, moshë kjo gjatë së cilës, femrat janë më së shumti të rrezikuara nga prekja e kancerit të gjirit.
Por disa specialistë të zhvillimit sugjerojnë se adoleshentët mund të përfitojnë nga të mësuarit se një mutacion gjendet në familjen e tyre, sepse kërcënimi i mundshëm është i largët, duke u dhënë atyre kohë për të zhvilluar strategji përballuese dhe elasticitet në rast se testojnë pozitivisht si të rritur.
Një studim i vitit 2015 i më shumë se 200 vajzave të moshave 11-19 zbuloi se ndërsa vajzat adoleshente nga familjet që bartnin mutacionet BRCA1 ose BRCA2 mund të kenë më shumë shance të preken nga kanceri i gjirit./Gazeta Shneta/