Edhe një deputet nga Lidhja Demokratike e Kosovës ka rezultuar pozitiv me COVID-19.
Bëhet fjalë për Ardian Shalën, që është edhe kryetar i degës së LDK-së në Suharekë.
Përveç deputet, Shala është me profesion mjek kardiolog, i angazhuar para se të futej në Parlamentin e Kosovës tek Spitali i Prizrenit.
“Të dashur qytetarë, ka disa ditë që kryetari jonë dhe deputeti juaj dr. Ardian Shala është vetizoluar dhe ishte në pritje të rezultateve nga IKSHPK-ja. Ndërsa sot është konfirmuar pozitiv me COVID-19 dhe është shtrirë në spitalin e Prizrenit në Kliniken Infektive. Gjendja e tij është stabile dhe e qëndrueshme”, ka njoftuar dega e LDK-së në Suharekë përmes Facebookut.