Shërbimi Spitalor Klinik dhe Universitar i Kosovës (ShSKUK), ka vazhduar të raporton rreth mbarëvajtjes së punës vjetore në klinikat e QKUK-së.
Sipas njoftimi të fundit, ShSKUK, ka marr për bazë punën vjetore të Klinikës së Kirurgjisë Vaskulare të Qendrës Klinike Universitare të Kosovës (QKUK), përcjell Gazeta Shneta.
Në këtë njoftim, thuhet se gjatë vitit 2022, në Klinikën e Kirurgjisë Vaskulare të Qendrës Klinike Universitare të Kosovës janë realizuar 1 mijë e 202 e ndërhyrje kirurgjike.
“Prej tyre, janë kryer 316 vena varikoze, 102 urëzime (bypass) në ekstremitete, 44 intervenime në arteriet e qafës (karotide), 21 zgjerime të aortës abdominale (aneurizma) dhe 251 fistula arterio-venoze. Për 12 muaj, janë kryer edhe 468 operacione të llojeve tjera si: intervenime për shkak të lëndimeve të enëve të gjakut, ekscizione të tumoreve dhe malformacioneve vaskulare, vendosje të porteve për kimioterapi, operacione në gjëndrën tiroide dhe operacione për shpute diabetike” thuhet në njoftim.
ShSKUK ka thënë po ashtu se në Ambulancën Specialistike të Kirurgjisë Vaskulare janë bërë 8 mijë e 164 vizita, derisa në klinikë kanë qenë të shtrirë 1 mijë e 405 pacientë për trajtim.
E lajmi i mirë është se në Klinikën e Kirurgjisë Vaskulare është arritur të zvogëlohet lista e pritjes të operacioneve për vena varikoze dhe janë bërë planet për ngritjen e kapaciteteve për kirurgji endovaskulare.