Komuna e Prishtinës renovon Laboratorin në QKMF

2018-02-09 në ora 10:35

Komuna e Prishtinës ka përfunduar renovimin e Laboratorit të analizave në Qendrën Kryesore të Mjekësisë Familjare.

Kryetari i Prishtinës, Shpend Ahmeti, ka publikuar disa fotografi të gjendjes së tanishme të laboratorit, shkruan Gazeta Shneta.

“Laboratori i renovuar në Qendren Kryesore të Mjekësisë Familjare. Po, Shëndetësia Publike mund të funksionojë! Falenderim i veçantë për krejt ekipet që kanë punuar. Së shpejti edhe risi të tjera”, ka shkruar Ahmeti.

Drejtoria e Shëndetësisë në Prishtinë së fundmi është kritikuar për vendosje ne termineve nëpër Qendrat e Mjekësisë Familjare.

Qytetarët janë ankuar se nuk mund të bëjnë termine sa herë që kanë nevojë për shërbime mjekësore, e sidomos në rastet urgjente.

Zyrtarët kanë deklaruar se rastet urgjente pranohen pa termine. /Gazeta Shneta/