Një infeksion seksualisht i transmetueshëm i shkaktuar nga bakteri Chlamydia trachomatis, i cili, nëse nuk trajtohet, mund të përhapet në mitër ose tubat fallopiane dhe të shkaktojë sëmundje inflamatore të legenit kërcënuese për fertilitetin.
Rreth 2.8 milionë amerikanë infektohen çdo vit, duke përfshirë 200,000 gra shtatzëna, sipas Qendrës për Kontrollin dhe Parandalimin e Sëmundjeve (CDC), shkruan Parents përcjell Gazeta Shneta.
Dhe rreth 75 përqind e atyre grave të infektuara nuk kanë simptoma si rrjedhje vaginale ose dhimbje gjatë urinimit, kështu që nuk kanë asnjë ide se janë të infektuara.
Pse është e rrezikshme: Ju mund t’i kaloni klamidianë -fëmijës suaj gjatë lindjes dhe si rezultat ata mund të zhvillojnë pneumoni. Kjo mund të jetë fatale për një të porsalindur, thotë Dr. Miriam Greene, gjinekologe në Qendrën Mjekësore të Universitetit të Nju Jorkut.
Për të mësuar më shumë rreth komplikimeve të shtatzënisë KLIKO KËTU.
A duhet të testoheni? Absolutisht – CDC rekomandon që të gjitha gratë shtatzëna të kontrollohen në vizitën e tyre të parë para lindjes.
Trajtimi: Nëse keni klamidia, ju dhe partneri juaj do të trajtoheni me antibiotikun Azitromicinë, thotë obs-gjinekologja Dr. Wendy Wilcox, nga Nju Jorku.
Duhet të abstenoni nga marrëdhënia intime derisa të dy të keni përfunduar trajtimin, në mënyrë që të mos riinfektoheni.
Mjeku juaj gjithashtu duhet ta përsërisë testin gjatë tremujorit të tretë, për t’u siguruar që nuk jeni të infektuar gjatë lindjes. /Gazeta Shneta/