Më shumë se 87.000 punime shkencore mbi koronavirusin që nga fillimi i pandemisë

Shkencëtarët nga e gjithë bota kanë botuar më shumë se 87.000 punime në lidhje me koronavirusin midis fillimit të pandemisë Covid-19 dhe tetorit 2020, tregon një analizë e re.

Duke pasur parasysh rëndësinë e pandemisë, studiuesit u befasuan nga numri i madh i studimeve dhe artikujve të tjerë që shkencëtarët prodhuan mbi këtë temë në një kohë kaq të shkurtër shkruan MedicalxPress përcjell Gazeta Shneta.

“Është një numër i mahnitshëm botimesh – mund të jetë i pashembullt në historinë e shkencës”, tha Caroline Wagner, bashkëautore e studimit dhe profesoreshë e asociuar në kolegjin e çështjeve publike John Glenn në Universitetin Shtetëror të Ohajos.

“Pothuajse i gjithë komuniteti shkencor në të gjithë botën e përqendroi vëmendjen e saj tek kjo çështje”.

Wagner e krahasoi hulumtimin mbi koronavirusin me vëmendjen që i kushtohej shkencës nanoskopike, e cila ishte një nga temat më të nxehta në shkencë gjatë viteve 1990.

U deshën më shumë se 19 vjet për të kaluar nga 4.000 në 90.000 artikuj shkencorë mbi atë temë, tha ajo.

“Kërkimi i koronavirusit arriti atë nivel në rreth pesë muaj”, shtoi Wagner. /Gazeta Shneta/