Kur duhet të vaksinohen fëmijët kundër Covid-19 – është një nga pyetjet më të shpeshta që drejtohen tek profesionistët shëndetësorë.
Ndërkohë që, ende nuk kemi një përgjigjje finale nga studiuesit e fushës, Moderna ka njoftuar se testimi i vaksinës së saj tashmë ka filluar tek foshnjet dhe fëmijët (6 muajshe deri në 12-vjeç) shkruan Verywell Family, transmeton Gazeta Shneta.
Vaksina Moderna është e dyta pas Pfizer që mori autorizimin nga Administrata e Ushqimit dhe Barnave (FDA) për parandalimin e Covid në mes të dhjetorit, por vetëm për moshën 18+.
Në rast se rezultatet nga testimi i vaksinës Moderna janë të sigurta dhe efektive mund të jetë një mundësi shumë e mirë për vaksinimin e kësaj kategorie.
Edhe pse fëmijët priren të sëmuren nga Covid me shkallë dhe ashpërsi shumë më të ulët se të rriturit është ende e rëndësishme që ata të vaksinohen pasi të miratohet vaksina, thonë ekspertët.
Kjo pasi virusi shoqërohet me sindromën inflamatore multisistemike tek fëmijët (MIS-C), një gjendje e rëndë që mund të shkaktojë dëmtime të përhershme në organet vitale. /Gazeta Shneta/