Ministria e Shëndetësisë ka dal me një reagim ndaj nënkryetarit të Lëvizjes Vetëvendosje Glauk Konjufca.
MSH ka reaguar ndaj deklaratës së Konjufcës i cili ka thënë se janë licencuar laboratorët për teste, duke mos pasur fare certifikatë të biznesit. Por këtë e ka mohuar MSH duke thënë se laboratorët nuk mund të licencohen pa këtë certifikatë, transmeton Gazeta Shneta.
Reagimi i plotë nga MSH:
Ndërlidhur me deklarimin e deputetit Glauk Konjufca, sot në një konferencë për media, se kinse Ministria e Shëndetësisë ka licencuar për kryerje të testimeve për Covid-19 laboratorë privat të cilët nuk janë as të regjistruara si biznese, Bordi për Licencim të Institucioneve Shëndetësore Private i Ministrisë së Shëndetësisë sqaron se ky bord ka bërë licencimin e vetëm atyre laboratorëve të cilët i kanë plotësuar kriteret.
Sa i përket certifikatës së biznesit, ajo nuk është kriter i aplikimit për lëshimin e lejes për kryerjen e testeve covid-19 , duke qenë se institucionet kanë pasur licenca valide si veprimtari dhe ato e kanë pasur për obligim që certifikatën e biznesit ta dëshmojnë në momentin e aplikimit për licencimit të institucionit si tërësi.
Për informim të drejtë, shërbimi i testimit është një shërbim shtesë në kuadër të institucioneve të licencuara edhe më parë për ushtrim të veprimtarive të ndryshme mjekësore.
Përndryshe, pa certifikatë të biznesit, ato nuk mund të licencohen për ushtrimin e asnjë veprimtarie shëndetësore.