Ndahet nga jeta, Ortopedi i parë shqiptar në Mitrovicë, OMK shpreh ngushëllime

2022-06-20 në ora 21:37

Është ndarë nga jeta, Ortopedi i parë shqiptar në Mitrovicë, Dr. Fikret Zhubi.

Lajmin e ka bërë të ditur, Oda e Mjekëve të Kosovës, përmes një postimi ngushëllues në rrjete sociale, përcjell Gazeta Shneta.

“Dr. Fikret Zhubi ishte Ortopedi i parë shqiptar në Mitrovicë, punoi si doktor nga viti 1981 dhe si ortoped nga viti 1990 deri në 1999.

Gjatë luftës në vitet 1998-1999 dha kontributin e tij si ortoped duke trajtuar ushtarë të lënduar të UÇK-së, në Zonën operative të Shalës.

Më pas dr. Zhubi i shërbeu qytetarëve në Spitalin e Përgjithshëm në Mitrovicë.

Oda e Mjekëve të Kosovës i shpreh ngushëllimet më të sinqerta familjarëve, miqve dhe kolegëve të tij”. /Gazeta Shneta/