Spitali i Përgjithshëm në Pejë ka njoftuar se gjatë 24 orëve të fundit janë realizuar 485 vizita specialistike, 3,496 analiza laboratorike, 10 operime dhe 41 seanca dialize.
Sipas raportit ditor, 49 pacientë janë pranuar për trajtim spitalor, ndërsa aktualisht në repartet e spitalit po trajtohen 183 pacientë.
Gjatë kësaj periudhe janë regjistruar katër lindje, ku kanë ardhur në jetë dy djem dhe dy vajza.
Në shërbimet diagnostike janë kryer 20 rezonanca magnetike (MRI), 99 ekzaminime me rëntgen, 49 ultrazëra, 10 ekokardiografi dhe gjashtë kolonoskopi.
Raporti përfshin gjithashtu 50 shërbime fiziatrike të ofruara gjatë ditës së djeshme.