Nënat që po konsumojnë alkohol gjatë gjidhënies, po rrezikojnë nga kjo gjë

2018-08-08 në ora 17:21

Nënat të cilat konsumojnë pije alkoolike ndërsa ushqejnë me gji, mund të sjellin probleme kognitive tek fëmijët e tyre.

Kështu ka dalë nga një studim i kryer në Australi, rezultatet e të cilit janë kompletuar pasi janë marrë për mostër 5 mijë e 107 fëmijë, përcjell Klan Kosova.

Poashtu edhe një pyetësor është mbushur nga nënat e tyre për të detajizuar nëse gjidhënia ka qenë e plotë, sa kanë konsumuar cigare gjatë shtatzënisë dhe sa kanë konsumuar alkool.

Të fëmijët nënat e të cilëve nuk kanë konsumuar fare alkool rezultatet kanë qenë më të mira, ndërsa situata ka qenë e keqe te rastet kur nënat kanë konsumuar alkool.

“Kjo ka rëndësi pasi që sugjeron se nuk ka nivel sigurie të alkoolit për konsumim te një nënë që ushqen fëmijën me gji”, ka thënë autorja e studimit Lousia Gibson.

“Opsioni më i sigurt për nënën gjidhënëse është që të abstenojë nga alkooli derisa fëmija i saj në tërësi të largohet nga ushqyerja me qumësht gjiri”.

Kliko këtu për t’u informuar me testin që duhet ta bëjë secila nënë shtatzënë për të konfirmuar se shëndeti gjenetik i foshnjës në ardhje është në rregull.