Orari zyrtar i vaksinimit për personat mbi 80-vjeçar në “1 Tetori” dhe komuna

2021-04-07 në ora 17:11

Ministria e Shëndetësisë ka njoftuar se nga nesër do të fillojë vaksinimi për të moshuarit mbi 80-vjeç në sallën “1 Tetori” në Prishtinë, si dhe në QKMF-të e komunave.

MSH njofton se vaksinimi i kësaj grup-moshe do të bëhet fillimisht në Prishtinë (Salla “1 Tetori”) dhe në komunat: Pejë, Gjakovë, Prizren, Ferizaj, Gjilan, Mitrovicë dhe Vushtrri dhe në të gjitha komunat e tjera ku ka filluar vaksinimi kundër COVID-19.

“Vaksinimi bëhet në Qendrën Kryesore të Mjekësisë Familjare (Njësia e vaksinimit) në komunat e lartpërmendura, me përjashtim të Prishtinës, ku vaksinimi bëhet në sallën “1Tetori”.

Ndërsa, për grup-moshën nga 80-84 vjeçe, vaksinimi nis me datën 11 prill 2021, në të njëjtat vende të vaksinimit dhe në të gjitha QKMF-të e komunave të tjera ku do të fillojë vaksinimi kundër COVID-19.

Personat e këtyre grup-moshave, do të kontaktohen për vaksinim përmes telefonit, bazuar në të dhënat e plotësuara përmes aplikimit në ekosova.rks-gov.net,  ku mundësia e aplikimit është ende e hapur”, thuhet në njoftim.

Më poshtë gjeni tabelën e orarit të vaksinimit sipas komunave. /Gazeta Shneta/