Një bari për diabet tanimë ka filluar të shfaqet me mungesa në mbarë botën dhe po shkakton shqetësime shëndetësore pasi përdoruesit e mediave sociale mburren me vetitë e tij si një mrekulli “çudibërëse” për humbjen e peshës.
Prodhuar nga kompania daneze Novo Nordisk, Ozempic është një bari që rregullon nivelet e sheqerit në gjak dhe insulinën. Zakonisht u përshkruhet të rriturve që vuajnë nga diabeti i tipit 2, lloji më i zakonshëm i diabetit, shkruan Euronews përcjell Gazeta Shneta.
Por përbërësi aktiv i barit, semaglutide, imiton gjithashtu një hormon të quajtur peptid-1 i ngjashëm me glukagonin (GLP-1) që synon zonat e trurit që rregullojnë oreksin dhe ushqimin.
Për shkak se i bën përdoruesit të ndihen të ngopur më shpejt, mund t’i çojë ata të humbin peshë.
Si rezultat, Ozempic është promovuar në internet si një bari dietë mrekullie. Në TikTok, hashtagu #Ozempic tashmë ka mbi 360 milionë shikime dhe po vazhdon duke u rritur numërimi.
Edhe shefi i ri i Twitter-it, miliarderi Elon Musk, e ka vlerësuar Ozempic – si një nga arsyet pse ai humbi 13 kg.
Fasting + Ozempic/Wegovy + no tasty food near me
— Elon Musk (@elonmusk) November 16, 2022
Në Facebook, grupet e dedikuara për përdorimin e Ozempic për humbje peshe kanë dhjetëra mijëra ndjekës.
Rritja globale e kërkesës ka shkaktuar tashmë një mungesë të Ozempic në Australi që pritet të zgjasë deri në fund të marsit 2023.
Autoritetet australiane u kanë bërë thirrje profesionistëve shëndetësorë që të ndalojnë fillimin e recetave të reja të Ozempic dhe të kontaktojnë pacientët diabetikë të prekur nga mungesa për t’i kaluar në trajtime alternative.
Agjencia kombëtare e sigurisë së barnave të Francës lëshoi udhëzime të ngjashme në shtator, kur u kërkoi mjekëve të fillonin vetëm recetat e reja të barnave GLP-1 për pacientët me diabet të tipit 2 me një histori të sëmundjes së zemrës ose goditjes në tru.
Autoritetet në Mbretërinë e Bashkuar dhe Australi kanë lëshuar gjithashtu paralajmërime për ndikuesit që promovojnë këto barna në internet.
Në Francë, reklamimi farmaceutik për publikun e gjerë është një praktikë shumë e rregulluar, e cila kërkon autorizim paraprak dhe është e rezervuar për barnat që nuk rimbursohen nga sistemi publik i sigurimeve shëndetësore.
Në një deklaratë të dërguar me email, Novo Nordisk ka raportuar se po i merrte seriozisht mungesat dhe kishte investuar 1.6 miliardë dollarë vetëm në vitin 2022 për të zgjeruar kapacitetin e tyre të prodhimit.
“Ne jemi të përkushtuar të punojmë ngushtë me autoritetet në tregjet e prekura për të minimizuar ndikimin tek pacientët dhe po bëjmë gjithçka që mundemi për të përmbushur kërkesën sa më shpejt të jetë e mundur”. /Gazeta Shneta/