SHSKUK pasi e ngriti çmimin e oksigjenit e ka shpërblyer me kontratë kompaninë “Messer Medica”.
Shërbimi Spitalor Klinik Universitar i Kosovës e ka shpërblyer me kontratë për furnizim me oksigjen kompaninë “Messer Medica”, shkruan Gazeta Shneta.
Kjo kompani do të përfitojë nga SHSKUK 327 mijë e 124 Euro për një kontratë 12 muajshe për furnizim me oksigjen të lëngët.
SHSKUK këtë kontratë ia ka dhënë kësaj kompanie pasi e anuloj një procedurë paraprake me çmim më të ulët dhe me sasi më të lartë, ndërsa e inicoi këtë tender me çmim më të lartë kurse me sasi më të vogël.
Gazeta Shneta ka raportuar ditë më parë për këtë tender të çuditshëm.
Tenderi i parë që u anulua kishte vlerë të parashikuar 229,670 Euro për sasi 193000 kg oksigjen për 12 muaj.
Ndërkaq pas anulimit të këtij tenderi, në procedurën e dytë çmimi u rrit në 333,800 Euro ndërsa sasia ra në 166900 kg për 12 muaj.
Edhe më të çuditshme situatën me këtë tender e bëri arsyetimi i zyrtarëve të SHSKUK-së se janë rritur çmimet në treg duke u bazuar në furnizimin e spitaleve private. /Gazeta Shneta/
Ulet sasia – rritet çmimi: Ritenderi i çuditshëm për furnizim me oksigjen në SHSKUK