Pneumonia gjatë shtatzanisë: Çfarë duhet të dini

2019-11-18 në ora 20:59

Pneumonia është një gjendje e rëndë që shfaqet si rezultat i një infeksioni në mushkëri. Pneumonia që shfaqet gjatë shtatzanisë quhet pneumoni e nënës.

Në shumë njerëz, pneumonia fillon me një ftohje të zakonshme ose grip, i cili më pas përhapet në mushkëri. Pneumonia mund të jetë kërcënuese për jetën nëse lihet patrajtuar, dhe gratë shtatzëna janë më të rrezikuara nga komplikimet, transmeton Gazeta Shneta.

Simptomat

Është e rëndësishme të njiheni me simptomat e pneumonisë gjatë shtatzanisë dhe të kërkoni menjëherë trajtim.

Simptomat e zakonshme përfshijnë:

Simptoma të të ftohtit të ngjashme me gripin, të tilla is dhimbje e fytit, dhimbje koke dhe dhimbje të trupit

Vështirësi në frymëmarrje ose frymëmarrje e shpejtë

Lodhje ekstreme

Ethe ose të dridhura

Dhimbje gjoksi

Kollë.

Komplikimet për nënën dhe foshnjën

Pneumonia është një sëmundje e rëndë dhe mund të shkaktojë komplikime të rrezikshme si për gruan ashtu edhe për fëmijën nëse nuk trajtohet.

Pneumonia e nënës mund të bëjë që nivelet e oksigjenit të trupit të bien pasi mushkëritë nuk janë në gjendje të kapin dhe drejtojnë sa duhet oksigjenin në pjesën tjetër të trupit. Kjo do të thotë që nivelet e ulura të oksigjenit mund të arrijnë në mitër për të mbështetur fëmijën.

Infeksioni gjithashtu mund të përhapet nga mushkëëritë në pjesë të tjera të trupit, siç është rrjedha e gjakut.

Në raste të rënda, pneumonia gjatë shtatzanisë mund të shkaktojë:

Lindje të parakohshme

Peshë të ulët tek foshnja.

Shumë gra shqetësohen se kollitja e tepërt mund të jetë e rrezikshme për fëmijën. Sidoqoftë, foshnja është e rrethuar nga lëngu amniotik, i cili funksionon si amortizues dhe i mbron ata nga kollitja, dridhjet, zhurma, presioni dhe goditjet e vogla./GazetaShneta/