Pse qeshim kur ‘xiglitemi’? Ja disa fakte shkencore

2017-03-30 në ora 13:33

Gudulisja, ndryshe e njohur në popull me fjalën ‘xiglitje’ (xëgitje?), është një mister që ka sfiduar mendje të mëdha të shkencës si Charles Darwin, Galileon e madje edhe filozofë si Francis Bacon e Platoni.

Një gjë është e sigurtë, se gudulisja nuk na bënë vetëm të qeshim, por disa njerëzve u shkakton edhe ndjenjë të pakëndshme, shkruan MentalFloss, transmeton Gazeta Shneta.

Ka dy lloje të gudulisjes: ‘Gargalesis’ e cila prodhon të qeshura kur një person preket nga një tjetër, në pjesët si nënsqetulla apo në stomak; dhe ‘Knismesis’, e cila shkaktohet nga lëvizje të lehta dhe e cila shkakton ndjesi kruarje në vend të të qeshurave.

Njeriu nuk mund ta gudulis vetveten sepse truri është i vetëdijshëm paraprakisht për lëvizjen tuaj.

Një studim i bërë nëpërmjet rezonancës magnetike, hulumtuesit kanë gjetur se janë dy zona të trurit që ndikojnë në gudulisje.

Image result for tickling

“Somatosensory”, e cila është përgjegjëse për analizimin e prekjeve dhe një pjesë e quajtur “cingulate cortex”, e cila përshihet në krijimin e ndjenjave të kënaqësisë.

Ndërkaq, një studim tjetër poashtu me MRI, ka zbuluar se gudulisja aktivizon edhe një pjesë tjetër të trurit të quajtur ‘Rolandic Operculum’, e cila kontrollon lëvizjet e fytyrës dhe reagimet emocionale dhe vokale të njeriut.

Robert Provine, neurolog në Universitetin e Meryland në SHBA, thotë se e qeshura gjatë gudulisjes krijon lidhje të forta ndërmjet bebes dhe prindërve.

“Kur njerëzit thonë se e urrejnë të ‘xiglohen’, ata harrojnë se në fakt kjo është gjëja e parë që krijon komunikim ndërmjet nënave dhe foshnjave”, deklaron Provine.

Sidoqoftë, njerëzit nuk janë ‘kafshët’ e vetme që qeshin kur gudulisen. Qeshin poashtu edhe majmunët dhe minjtë. /Gazeta Shneta/

Image result for tickling