Laksativët dhe zbutësit e jashtëqitjes mund të lehtësojnë kapsllëkun.
Ushqimet me shumë fibra dhe ujë si pemët, zarzavatet me gjethe dhe kumbullat e thata mund të ndihmojnë në lehtësimin e kapsllëkut shkruan Business Insider përcjell Gazeta Shneta.
Kapsllëku, ose lëvizja e zorrëve më pak se tre herë në javë, është normale çdo herë në kohë, por mund të jetë shumë e pakëndshme dhe e dhimbshme nëse vazhdon përtej kësaj.
Simptomat përfshijnë jashtëqitje të thata, të forta që janë të vështira për t’u kaluar dhe keni ndjesi të vazhdueshme që nuk i keni zbrazur plotësisht zorrët edhe pas shkuarjes në banjë.
Për të lehtësuar natyrshëm kapsllëkun, është e rëndësishme të ushtroni rregullisht, të pini shumë ujë dhe të hani më shumë ushqime që janë të pasura me fibra, një lloj karbohidratesh që stimulon tretjen.
“Rritja e marrjes së fibrave mund të ndihmojë në kapsllëk pasi fibra ndihmon në lëvizjen e ushqimit përmes sistemit të tretjes”, thotë dietologe Ayana Davis.
Mund të provoni laksativë pa recetë për lehtësim të menjëhershëm të kapsllëkut, siç janë zbutësit e jashtëqitjeve dhe shtesat e fibrave.
– Frutat si avokadot, manaferrat, dardhat, mjedrat dhe papaja janë të pasura me fibra, të cilat ndihmojnë në parandalimin e kapsllëkut.
– Kemi pastaj, bishtajoret si bizelet, fasulet, thjerrëzat dhe arrat janë burime të shkëlqyera të fibrave.
– Kumbullat e thata kanë një përmbajtje të lartë sorbitoli, një lloj sheqeri që ka një efekt laksativ, thotë dietologe Davis.
– Përveç që janë të pasura me fibra, zarzavatet me gjethe si spinaqi, lakra jeshile dhe marule gjithashtu ndihmojnë në rritjen e baktereve të shëndetshme të zorrëve.
– Farat e lirit ose chia kanë shumë fibra dhe ato gjithashtu përshpejtojnë lëvizjen e zorrëve, gjë që rrit frekuencën e lëvizjeve të zorrëve.
– Uji ndihmon në tretjen e ushqimit dhe ndihmon në parandalimin e kapsllëkut, prandaj pini të paktën 2.7 deri 3.7 litra ujë çdo ditë.
“Mos harroni, nëse jeni duke rritur fibrat në dietën tuaj, duhet të rrisni edhe marrjen e lëngjeve”, thotë dietologe Davis.
– Si kafeja me kafeinë ashtu edhe ajo pa kafeinë mund të shkaktojë një efekt laksativ, ndoshta për shkak të një rritje në nivelet e gastrinës, hormone që bëjnë kontraktimin e zorrës së trashë. Është e sigurt të konsumoni deri në 400 miligram kafeinë në ditë, ose rreth katër filxhanë kafe në ditë. /Gazeta Shneta/