Si të zgjoheni nesër më lehtë nga gjumi!

2017-03-16 në ora 20:09

Shumë njerëz duhet të zgjohen shumë herët për punë apo shkollë.

Por, sa shpesh ndodhë që ju nuk zgjoheni edhe 15 minuta pas alarmit, vetëm për të fjetur ‘edhe pak’? Me siguri më shumë se ju që mendoni.

Gjumi padyshim që është i mirë, si për trupin po ashtu edhe për mendjen, por kur fleni më shumë se që duhet gjatë ditëve të javës, mund të ju shkaktojë çrregullime brenda orarit të punës, duke ju bërë të nguteni për të shkuar në punë apo shkollë.

Nëse dëshironi të zgjoheni më lehtë dhe më herët, ju thjesht duhet ti bëni këto ndryshime që lajmi.net ju këshillon:

1) Leni alarmin çdo ditë nga një minutë më herët

Ti patjetër që nuk mund të zgjohesh në 5 të mëngjesit nesër, nëse gjatë tërë jetës tënde ke qenë duke u zgjuar në orën 8.

Por nëse dëshironi ta mundësoni këtë, atëherë thjeshtë çdo ditë vëni alarmin 1 minutë më herët.

Në këtë mënyrë ju mund ta arrini qëllimin tuaj, dhe do të ju duket shumë më e lehtë për arsye se do të sakrifikoni vetëm 1 minutë nga gjumi juaj i vlefshëm.

Pas një muaji ju do të zgjoheni 30 minuta më herët, ndërsa pas 2 muaji do të zgjoheni 1 orë më herët, e kështu me radhë.

2) Kujtojeni qëllimin tuaj

Nuk është çudi që shumë njerëz të suksesshëm e kanë më të lehtë të zgjohen për shkak se dëshirojnë më shumë kohë për punuar që ta arrijnë qëllimin e tyre.

Nëse dëshironi të zgjoheni më lehtë në mëngjes, thjeshtë gjeni diçka që ju motivon apo inspiron.

Nëse keni pasion diçka, ju nuk do të dëshironit asnjë pikë gjumë.

Ju do të keni ambicien dhe dëshirën e vërtetë që të zgjoheni sa më herët që është e mundur për të punuar që ta realizoni qëllimin që ia keni vënë vetes.

3) Takohuni me miqtë herët në mëngjes

Të gjithë ne dëshirojmë të kalojmë kohë me miqtë tanë, por nuk ka më mirë se të takoheni në mëngjes për një kafe.

Nëse ju do të takoheni herët me shoqërinë tuaj, atëherë ju do të keni një arsye më shumë për tu zgjuar sepse do të ndiheni më mirë kur e kujtoni që do ti takoni ata, plus kafja ju ndihmon që të kthjelleni.

4) Përshtateni ambientin në të cilin zgjoheni

Nëse e keni ftohtë në shtëpi, thjeshtë para se të fleni leni ca tesha afër në karrige, që në momentin e parë që të zgjoheni ju të visheni dhe të mos keni ftohtë si dhe të ndiheni më komod.

Ose nëse nuk dëshironi që të prisni për kafen tuaj në mëngjes, atëherë bëjeni gati në mbrëmje ndërsa në mëngjes vetëm e vloni.

5) Filloni ditën me ushtrime

Nuk ka mënyrë më të mirë sesa të filloni ditën duke u djersitur gjatë ushtrimeve.

Ndoshta ideja e të bërit ushtrime që në mëngjes mund të mos ju duket mënyra ideale për tu zgjuar, por ju pas ushtrimeve do të ndiheni mahnitës dhe energjetik gjatë tërë ditës..

Në mëngjes mund të shkoni në fitnes apo të bëni Yoga

Thjesht shkoni në diçka që i përshtatet stilit dhe nevojave tua, diçka që ju nuk do dëshironit ta humbisni.

6) Shpërblejeni vetën

Çdo ditë që ju zgjoheni më herët, shpërblejeni vetën me diçka të vogël.

Mund të jetë një ushqim më ndryshe se zakonisht, një dekorim jo i shtrenjtë për dhomën tuaj ose çfarë do qoftë që të bën të ndihesh më mirë.

Nëse ju punoni rreth realizimit të një qëllimi atëherë padyshim që e meritoni të shpërbleheni për arritjet tuaja.