Stresi fizik dhe psiqik gjatë shtatzënisë rezulton me një vajzë, sipas hulumtimeve

2021-01-31 në ora 23:32

Stresi fizik dhe psiqik gjatë shtatëzanisë mund të ndikojë në seksin e foshnjës dhe stresi fizik mund të rrisë rrezikun e lindjes së parakohshme, sugjeron një studim i ri.

Studiuesit vlerësuan 187 gra të shëndetshme shtatzëna midis moshës 18 dhe 45 vjeçe shkruan WebMD, përcjell Gazeta Shneta.

Rreth 17% prej tyre ishin të stresuar mendërisht, me nivele të larta depresioni, ankthi dhe stresi të perceptuar.

Ndërsa, 16 % ishin stresuar fizikisht, me presion më të lartë ditor të gjakut dhe konsum kalorie sesa gratë e tjera në studim.

Gratë me stres fizik ose psikologjik kishin më shumë të ngjarë të kishin një vajzë, zbuloi studimi.

Për të mësuar më shumë rreth komplikimeve gjatë shtatzënisë KLIKO KËTU.

Në mënyrë tipike, rreth 105 meshkuj lindin për çdo 100 femra. Por raportet meshkuj-femra në këtë studim ishin 4:9 midis grave me stres fizik dhe 2:3 në mesin e atyre me stres mendor gjatë shtatëzanisë.

“Stresi gjithashtu mund të ndikojë në sistemin imunitar të nënës, duke çuar në ndryshime që ndikojnë në zhvillimin neurologjik dhe të sjelljes në fetus”.

Studimi u botua me 14 tetor në revistën “PNAS, Proceedings of the National Academy of Science”. /Gazeta Shneta /