Ndërsa shkalla e vdekjeve nga kanceri kolorektal në përgjithësi po zvogëlohet në të gjithë Evropën, obeziteti dhe përdorimi i alkoolit po kontribuojnë në rritjen e vdekjeve tek të individët e rinj, zbulon një studim i ri.
Një studim vjetor që parashikon vdekjet nga kanceri në Bashkimin Evropian dhe në Mbretërinë e Bashkuar, parashikon rritje të vdekjeve nga kanceri i zorrëve në mesin e atyre të moshës 25-49 vjeç, shkruan burimi Health News përcjell Gazeta Shneta.
Kjo rritje u pa në Itali dhe Mbretërinë e Bashkuar, e veçanërisht në Poloni dhe Spanjë për burrat dhe në Gjermani për gratë – duke reflektuar për tendenca e rritjes së shkallës së kancerit kolorektal dhe vdekjeve tek të rinjtë që janë vërejtur edhe në Amerikën e Veriut.
Studimi i botuar në revistën “Annals of Oncology”, të hënën, parashikon një rënie të përgjithshme të shkallës së vdekshmërisë nga kanceri prej 6.5% te meshkujt dhe 4.3% te femrat midis 2018 dhe 2024 në BE dhe Mbretërinë e Bashkuar.
Ndërsa studimi mbulon të gjitha kanceret, autorët thanë se ata u fokusuan në kancerin kolorektal “për shkak të incidencës dhe vdekshmërisë së tij të lartë, dhe modeleve të tij të fundit të pafavorshme midis të rinjve në Shtetet e Bashkuara dhe vende të tjera të zgjedhura me të ardhura të larta”.
Studiuesit parashikojnë se normat e vdekjes nga kanceri kolorektal tek të rinjtë në Mbretërinë e Bashkuar do të rriten me 26% te meshkujt dhe gati 39% te femrat në krahasim me vitin 2018. Rritja parashikohet edhe për Italinë (1.5% te meshkujt dhe 2.6% te femrat). Burrat spanjollë dhe polakë (5,5% dhe 5,9%, respektivisht), dhe te femrat gjermane (7,2%).
“Faktorët kryesorë që kontribuojnë në rritjen e shkallës së kancerit të zorrëve tek të rinjtë përfshijnë mbipeshën, obezitetin dhe gjendjet shëndetësore të lidhura me to, të tilla si nivelet e larta të sheqerit në gjak dhe diabeti”, tha autori kryesor i studimit, Dr. Carlo La Vecchia, një profesor i statistikave mjekësore dhe epidemiologjisë në Universitetin e Milanos.
“Arsyet shtesë janë rritja e konsumit më të madh të alkoolit me kalimin e kohës në Evropën Qendrore dhe Veriore dhe në Mbretërinë e Bashkuar dhe reduktimet e aktivitetit fizik”.
Kanceri i hershëm i zorrëve ka tendencë të jetë më agresiv, sipas Dr. La Vecchia, me shkallë më të ulët të mbijetesës sesa kanceri i zorrëve i diagnostikuar te njerëzit e moshuar.
Task Forca e Shërbimit Parandalues të SHBA rekomandoi kohët e fundit uljen e moshës së kontrollit të kancerit të zorrëve në 45 vjeç dhe Dr. La Vecchia rekomandon që qeveritë në Mbretërinë e Bashkuar dhe BE të bëjnë të njëjtën gjë. Ai tha se qeveritë duhet të konsiderojnë gjithashtu zbatimin e politikave për të inkurajuar aktivitetin fizik dhe për të dekurajuar konsumimin e alkoolit.
Studiuesit parashikojnë gjithashtu disa rritje të vdekshmërisë nga kanceri i mushkërive tek femrat dhe nga kanceri i pankreasit në të dy gjinitë. Shkalla e vdekjeve nga kanceri i gjirit vazhdon të përmirësohet në Evropë dhe në Mbretërinë e Bashkuar. /Gazeta Shneta/