Në gjetjet e botuara në revistën ‘The Lancet Respiratory Medicine’, testi COMBAT CF zbuloi azitromicinën – si një antibiotik me spektër të gjerë – kur përdoret si një terapi parandaluese ndihmoi në reduktimin e inflamacionit të lidhur me sëmundjen progresive të mushkërive tek fëmijët e vegjël me fibrozë cistike dhe rezultoi në më pak ditë në spital.
Fëmijët që jetojnë me fibrozë cistike kanë një grumbullim të mukusit të trashë në mushkëritë e tyre, duke i bërë ata të prirur për të marrë infeksione të rënda të mushkërive. Këto infeksione dhe simptomat e tyre mund të rezultojnë që fëmijët të shtrohen në spital për periudha të gjata kohore për trajtim, shkruan MedicalxPress përcjell Gazeta Shneta.
Për disa fëmijë dhe familjet e tyre, kjo nënkupton qëndrime të gjata në spital brenda një viti dhe trajtim të vazhdueshëm me antibiotikë.
Hulumtimi i gjatë, i një dekade në shumë vende ndoqi 130 fëmijë nga 10 klinika me fibrozë cistike në të gjithë Australinë dhe Zelandën e Re, që nga koha kur u diagnostikuan me këtë sëmundje deri në moshën tre vjeç, për të parë nëse përdorimi i azitromicinës reduktonte inflamacionin e mushkërive dhe për këtë arsye ndryshoi trajektorja e sëmundjes. Fëmijëve iu dha trajtimi me antibiotikë ose placebo.
Mbi 60 studiues në ekipin COMBAT CF, zbuluan se përdorimi afatgjatë i azitromicinës ishte i sigurt, përmirësoi simptomat e frymëmarrjes, reduktoi qëndrimin në spital për nevoja respiratore dhe zvogëloi numrin e kurseve të antibiotikëve IV (intravenoz) për trajtimin e infeksionit.
Përveç kësaj, fëmijëve që iu administrua azitromicina, nuk u sëmurën aq shpesh dhe për këtë arsye nuk u shtruan në spital aq shumë sa fëmijët e grupit të kontrollit. /Gazeta Shneta/