Krahas mungesës së menstruacioneve, gratë në mbarë botën e kuptojnë se të përzierat dhe të vjellat lidhen me ditët e para të shtatzënisë. `
Të përzierat dhe të vjellat zakonisht përjetohen nga gratë shtatzëna, shkruan Health News përcjell Gazeta Shneta.
Sipas Institutit Kombëtar të Shëndetit (NIH), afërsisht 90% e grave shtatzëna raportojnë se ndjejnë të përziera gjatë shtatzënisë së tyre.
Deri në 30% e këtyre grave përjetojnë vetëm të përziera, dhe mbi 50% vuajnë nga të përziera dhe të vjella.
Normalisht, fillimi i të përzierave të lidhura me shtatzëninë ndodh rreth javës 5-6 të shtatzënisë dhe lehtësohet ky problem në javën e 20-të të shtatzënisë.
Vetëm 3% e grave raportojnë të përziera dhe të vjella në tremujorin e tretë.
Shkaqet e të përzierave dhe të vjellave të lidhura me shtatzëninë
Megjithëse shkaqet e të përzierave të shtatzënisë në tremujorin e parë janë të panjohura, ekzistojnë disa teori të vlefshme.
Estrogjeni i referohet një grupi hormonesh, të cilat ndikojnë si në fiziologjinë mashkullore ashtu edhe në atë femërore. Estradioli, poashtu është një lloj hormoni estrogjeni.
Nivelet e estradiolit rriten në fillim të shtatzënisë dhe bien më vonë gjatë shtatzënisë. Kjo rritje dhe rënie e estradiolit shpesh pasqyrohet në modelin tipik të të përzierave dhe të vjellave.
Për të mësuar më shumë rreth komplikimeve të shtatzënisë KLIKO KËTU.
Për më tepër, duke qenë se të përzierat dhe të vjellat janë efekte anësore të njohura të medikamenteve që përmbajnë estrogjen, mendohet se nivelet e estradiolit mund të jenë shkaku kryesor i kësaj simptome të zakonshme të shtatzënisë.
Kur të shqetësoheni
Disa gra vuajnë nga të vjella të rënda gjatë shtatzënisë të njohura si hiperemesis gravidarum.
Në varësi të burimit, 0,3-3% e grave përjetojnë hiperemesis gravidarum gjatë shtatzënisë me një dukuri më të madhe në vendet perëndimore.
Gratë që vuajnë nga hiperemesis gravidarum përjetojnë nauze dhe të vjella të pakontrollueshme, të cilat çojnë në komplikime të tjera, të tilla si dehidratim, trupa ketonikë në urinë (ketonuria) dhe/ose nivele anormalisht të larta të trupave ketonikë në gjak (ketonemia).
Disa simptoma të hiperemesis gravidarum:
– Të vjella të tepërta.
– Dehidratim.
– Gojë e thatë.
– Ulje e prodhimit të urinës.
– Urina me ngjyrë të errët.
– Çrregullime të gjumit.
– Nervozizmi.
Këshilla për të lehtësuar të përzierat dhe të vjellat
Trajtimi fillestar fillon me ndërhyrje jo farmakologjike.
Pas konsultimit me mjekun tuaj, gratë zbulojnë se thjesht kalimi i vitaminës së tyre prenatale në një kapsulë vetëm me acid folik ofron lehtësim të madh.
Xhenxhefili është një bar natyral i cili gjatë historisë ka dëshmuar se lehtëson dhimbjet e stomakut, të përzierat, refluksin dhe të vjellat. /Gazeta Shneta/