Një ngjarje tepër e rëndë mesohet se ka ndodhur në datë 15 nëntor në Tiranë. Një vajzë e mitur vetëm 2 vjeç është paraqitur pranë Urgjencës së Pediatrisë në QSUT, me shenja diegieje cigaresh në trup.
Sipas mediave, informohet se vajza është identifikuar me inicialet A.R. dhe është e ditëlindjes 01.08.2021.
Mediat dyshojnë se dhunimi i saj është shkaktuar nga një familjar, rreth moshës 40 vjeçare.
Megjithatë vetëm pak më parë policia ka dalë me një njoftim sipas të cilit dyshohet se djegiet janë shkaktuar nga vëllai i saj i mitur i moshës 9-vjeç.
Gjithsesi është i dyshimtë fakti se si një fëmijë 9 vjeç mund të luajë me cigare dhe aq më tepër të djegë në një mënyrë të tillë kaq të rëndë një fëmijë.
Njoftimi i policisë:
“Tiranë. Ditën e djeshme, është paraqitur për ndihmë mjekësore në spitalin “Nënë Tereza”, e shoqëruar nga nëna e saj, një e mitur 2 vjeçe, të cilën e ka djegur aksidentalisht (duke luajtur me një bisht cigare) vëllai i saj i mitur 9 vjeç. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale”.
/Gazeta Shqip/