Ministri i Shëndetësisë, Arben Vitia, ka prezantuar sot projekt buxhetin për vitin 2024 para deputetëve, duke përfshirë sqarime dhe përgjigje ndaj ankesave lidhur me sigurimet shëndetësore.
Në prezantimin e tij, Ministri Vitia iu përgjigj ankesave të deputetëve në lidhje me sigurimet shëndetësore. Ai theksoi se këto sigurime nuk janë pjesë e buxhetit të shtetit, por janë përgjegjësi e të ardhurave të individëve të punësuar dhe të vetëpunësuar, përcjell Gazeta Shneta.
Ministri Vitia sqaroi se financimi i sigurimeve shëndetësore do të ndodhë përmes një përqindje të pagës së punëtorit dhe një përqindje nga punëdhënësi. Ky model synon të sigurojë një kontribut të drejtë dhe të përcaktuar qartë për financimin e shëndetësisë.
Kur sigurimet të startojnë secili punëtor do të ndajë nga paga e vet një përqindje dhe secili punëdhënës do të ndajë një përqindje të destinuara këto për financimin e shëndetësisë, – tha ai.
Ky shpjegim vjen pas shumë dilemave të paraqitura nga një grup deputetësh lidhur me buxhetimin e sigurimeve shëndetësore. Sipas tij Qeveria tashmë e ka kryer punën për parakushtin themelor për fillimin e punës dhe sistemit shëndetësor. / Gazeta Shneta/