Vjehrri vret me levë nusen, arsyeja ishte absurde

2017-05-03 në ora 14:02

Një tragjedi ndodhi në orët e para të mëngjesit në fshatin Zhejë të Kurbinit. Nusja 41-vjeçare e familjes Tota është gjetur e vrarë me mjete të forta.

Vjehrri i viktimës, 75-vjeçari Noc Tota, dyshohet se e ka kryer vrasjen për motive të dobëta. Ai është larguar nga shtëpia para mbërritjes së policisë dhe më pas është kapur dhe shoqëruar në Komisariatin e Kurbinit.

Banorët, edhe pse nuk pranojnë të flasin, e përshkruajnë viktimën si një grua të urtë. Nëna e një vajze dhe një djali punonte në një fabrikë këpucësh dhe shihte punën e saj tregojnë fqinjët jashtë kamerave.

Grupi hetimor në vendngjarje po vazhdon veprimet për zbardhjen e motiveve./Top Channel/