Gjatë 24 orëve të fundit në Kosovë janë regjistruar 10 raste të reja me coronavirus nga 295 mostra të testuara në Institutin Kombëtar të Shëndetësisë Publike ndërsa nuk është shënuar asnjë rast i vdekjeve me COVID-19.
Nga të dhënat e fundit të Ministrisë së Shëndetësisë gjithashtu bëhet e ditur se për 24 orë janë shëruar 51 qytetarë të tjerë.
Aktualisht në nivel vendi janë 138 raste aktive me COVID-19.
MSh gjithashtu bënë të ditur se për 24 orë në nivel vendi janë dhënë 54 doza të vaksinave anti-COVID ndërsa për më tepër se një vit, që nga fillimi i imunizimit në nivel vendi janë administruar mbi 1,8 milion doza të vaksinave kundër coronavirusit.
Deri më tani nga SARS-CoV-2 janë infektuar mbi 270 mijë qytetarë, ndërsa mbi 3 mijë kanë vdekur.
Nga pandemia COVID-19 deri më tani kanë vdekur mbi 6 milion njerëz në të gjithë botën.
Më 11 mars 2020, OBSh e shpalli COVID-19 pandemi globale. /Gazeta Shneta/