Dita e sotme shënon 16 vjet nga momenti kur Kosova u shpall shtet i pavarur.. Më 17 Shkurt të vitit 2008, Kuvendi i Kosovës shpalli me unaniminë e votave se Kosova është shtet i pavarur, sovran, dhe demokratik. Për të shënuar këtë ngjarje historike, shumë aktivitete institucionale janë planifikuar për këtë ditë të veçantë.
Krere të lartë të shtetit do të fillojnë ditën me ngritjen e flamurit shtetëror në mëngjes. Pastaj, ata do të bëjnë homazhe te varri i ish-presidentit Ibrahim Rugova dhe te varri i veprimtarit Adem Demaçi, shembuj të shquar të angazhimit për lirinë dhe pavarësinë e Kosovës. Gjithashtu, një moment i veçantë do të zhvillohet në Kompleksin “Adem Jashari” në Prekaz, për të nderuar kujtimin e heroit kombëtar Adem Jashari, përcjell Gazeta Shneta.
Kuvendi i Kosovës do të mblidhet në një seancë solemne për të shënuar këtë jubile. Në këtë kontekst, do të dëgjohen fjalime dhe do të shpalosen pjesë nga historiku i rrugës drejt pavarësisë. Pas kësaj, krerët e shtetit do të mbajnë një pritje shtetërore për të festuar së bashku me qytetarët.
“Kosovë ne të dalim zot”, është mbishkrimi që është vendosur në logon zyrtare shtetërore.
Deri tani, pavarësinë e Kosovës e kanë njohur 117 vende./Gazeta Shneta/