Spitali “Isa Grezda” në Gjakovë vazhdon të ofrojë shërbime të rëndësishme shëndetësore për qytetarët, sipas raportit javor të shërbimeve mjekësore
Gjatë javës së kaluar, në këtë institucion mjekësor janë të hospitalizuar aktualisht 172 pacientë.
Numri i lindjeve për një javë është 30, duke treguar përkujdesje për nënën dhe fëmijën. Trakti operativ ka kryer me sukses 37 operacione, duke siguruar trajtim të specializuar për pacientët.
Ambulancat e spitalit kanë pritur dhe ofruar kujdes specialistik për 1648 pacientë me nevoja të ndryshme shëndetësore. Hemodializa ka qenë në shërbim të 168 pacientëve, duke treguar përkujdesje për ata që kanë nevojë për trajtim të vazhdueshëm.
Shërbimet e Ultrazërit janë ofruar për 186 pacientë, ndërsa laboratori ka kryer 631 analiza për një total prej 10,429 analizash të kryera. Në Radiologji janë shërbyer 285 pacientë, ndërsa 78 pacientë kanë marrë shërbime të CT-së.
Njësia e Mjekësisë Fizikale me Rehabilitim ka trajtuar 255 pacientë për shërim dhe përmirësim të gjendjes së tyre shëndetësore. Kjo është vetëm një pjesë e shërbimeve të ofruara, që tregon përkushtimin e vazhdueshëm të spitalit ndaj mirëqenies së komunitetit./GazetaShneta/