Shërbimi Spitalor Klinik dhe Universitar i Kosovës ka njoftuar se nga tani e tutje, të gjithë kandidatët për infermierë do të testohen me një pyetësor të standardizuar profesional.
Sipas njoftimit ky ndryshim synon të rrisë objektivitetin, drejtësinë dhe transparencën në procesin e rekrutimit.
Fondi i pyetjeve është hartuar nga njësitë profesionale të ShSKUK-së dhe mbulon fusha të rëndësishme si praktika infermierore, etika profesionale, siguria e pacientit, kujdesi shëndetësor cilësor, si dhe njohuri administrative dhe ligjore sipas udhëzimeve të Ministrisë së Administratës Publike.
“Fondi i pyetjeve është hartuar nga njësitë profesionale të ShSKUK-së, në përputhje me standardet bashkëkohore të praktikës infermierore, dhe synon një vlerësim të drejtë dhe të paanshëm të kandidatëve.
Pyetjet mbulojnë fusha kyçe si praktika infermierore, etika profesionale, siguria e pacientit dhe kujdesi shëndetësor cilësor, si dhe përfshijnë njohuri nga fusha administrative dhe ligjore të hartuara nga Ministria e Administratës Publike.” thuhet në njoftimin e SHSKUK -së.
Ndryshe nga më parë, pyetjet përzgjidhen rastësisht për secilin kandidat përmes sistemit kompjuterik, duke siguruar që procesi i testimit të jetë i paanshëm dhe me standarde të njëjta për të gjithë./Gazeta Shneta/