Një i ri 22-vjeçar nga Malisheva ka humbur jetën, pesë ditë pasi ishte lënduar rëndë në vendin e tij të punës në fshatin Dragobil.
Lajmin për vdekjen e tij e ka konfirmuar zëdhënësi i Policisë së Kosovës për rajonin e Gjakovës, Sheremet Elezaj.
Ai tha se i riu ishte lënduar më 7 prill rreth orës 16:40, teksa po punonte.
Fillimisht, ai ishte dërguar në Qendrën Kryesore të Mjekësisë Familjare (QKMF) në Malishevë me lëndime të rënda trupore, ndërsa më pas ishte transferuar për trajtim në Qendrën Klinike Universitare të Kosovës (QKUK) në Prishtinë.
“Sot, më 13 prill, stafi mjekësor ka njoftuar se ai ka ndërruar jetë”.
Lidhur me rastin, Policia ka nisur hetimet me veprën penale “Asgjësim, dëmtim ose heqje e pajisjeve mbrojtëse dhe rrezikimi i sigurisë në vendin e punës”.
Me vendim të prokurorit të shtetit, trupi i pajetë i viktimës është dërguar për obduksion në Institutin e Mjekësisë Ligjore.
Me vendim të prokurorit të shtetit, trupi i pajetë i viktimës është dërguar për obduksion në Institutin e Mjekësisë Ligjore.