Gjatë pandemisë tre vjeçare në Kosovë kanë humbur jetën 32 punëtorë shëndetësorë, prej tyre 21 mjekë dhe 11 infermierë.
Pandemia Covid-19 zyrtarisht në Kosovë ka filluar para tre vjetësh më datën 13 mars 2020 kur u regjistruan dy rastet e para pozitive, një në Klinë dhe një tjetër në komunën e Vitisë, shkruan Gazeta Shneta.
Që nga 13 marsi i para tre vjetëve e deri më sot në Kosovë janë infektuar me Covid mbi 273 mijë njerëz ndërsa kanë vdekur 3211 persona.
Në mesin e të vdekurve janë edhe 32 punëtorë shëndetësorë, 21 mjekë dhe 11 infermierë. Këto shifra janë zyrtare nga dy odat e profesionistëve, Oda e Mjekëve dhe Oda e Infermierëve.
Për të përkujtuar kontributin dhe sakrificën e tyre Gazeta Shneta sjellë emrat e mjekëve dhe infermierëve që dhanë jetën pasi u sëmurën me Covid-19 në kohën kur ishin duke iu shërbyer pacientëve. /Gazeta Shneta/