Qendresa Llapashtica-Ismajli, 26-vjeçe, nënë e dy fëmijëve, është diagnostifikuar me leukemi akute dhe për shërimin e sëmundjes kërkohen 130 mijë euro, të cilat ajo dhe familja e saj nuk ka mundësi t’i përballoi.
Bashkëshorti i saj, Erduan Ismajli, ka publikuar sot një thirrje për ndihmë në shërimin e Qëndresës.
Ismajli, në një njoftim në rrjetin social Facebook, ka thënë se bashkëshortja e tij aktualisht ndodhet në një spital në Turqi. Ai ka publikuar diagnozën e sëmundjes me të cilën vuan Qëndresa, nënë e dy fëmijëve (dy vjeç dhe dy muajsh).