Spitali i Përgjithshëm i Pejës ka publikuar bilancin e shërbimeve shëndetësore për 24 orët e fundit, ku rezulton se 291 pacientë kanë kryer gjithsej 3,574 analiza laboratorike vetëm gjatë ditës së djeshme.
Sipas të dhënave të spitalit, gjatë kësaj periudhe janë realizuar edhe një numër i madh shërbimesh të tjera mjekësore për pacientët.
Në total janë kryer 554 vizita specialistike, ndërsa 41 pacientë janë shtruar për trajtim spitalor.
Aktualisht, në repartet e këtij institucioni po trajtohen 182 pacientë të shtrirë, përcjell Gazeta Shneta.
Gjatë 24 orëve të fundit është regjistruar edhe një lindje, ku në jetë ka ardhur një vajzë.
Po ashtu, janë realizuar 11 operime kirurgjikale dhe 36 seanca dialize. Në fushën e diagnostikimit imazherik janë kryer 111 ekzaminime me rëntgen, 54 ultrazëra dhe 16 MRI.
Ndërkohë, mjekët kanë realizuar edhe 5 kolonoskopi si dhe 43 shërbime fiziatrike./Gazeta Shneta/