Qeveria në detyrë e Kosovës ka marrë vendim që të ndajë 4 milionë euro për mbulim të kostos së policave të sigurimit për mërgimtarët që vinë në Kosovë për pushime.
Në lidhje me këtë ka reaguar Kryetari i Odës së Mjekëve të Kosovës, Dr. Pleurat Sejdiu përmes një postimi në Facebook, transmeton Gazeta Shneta.
Sejdiu ka theksuar se 4 milionë euro për pagesat e kartonave të gjelbër për sigurimet e veturave të mërgimtarve të punësuar, është e barbartë me pagesën e rrogës vjetore të 384 mjekëve të papunësuar.
“Mërgimtari ynë nuk ka nevojë për 6 kg qershia sa do hargjonte për karton të gjelbërt! Por Kosova dhe çdo cep i saj ka nevojë për një mjek më shumë!”, shkroi ai, duke e cilësuar situatën si një “mjerim dhe poshtërim njëkohësisht”.
Postimi i plotë:
Mbase kam një kredit moral të bëjë këtë postin, kjo duke patur parasyshë se dola jasht Kosovës që në moshën 18 vjeqare dhe u ktheva si 36 vjeqar! Pra, e njoh mallin e mërgimtarit për nënën , babën , vllaun dhe motrën! Njoh mallin për gurët e drunjët e këtij vendi! Prandaj, mendoj se mërgimtari ynë nuk ka nevojë për 6 kg qershia sa do hargjonte për karton të gjelbërt! Por Kosova dhe çdo cep i Sajë ka nevojë për një mjek më shumë !
Mjerim dhe poshtërim njëkohësisht!