Mëngjesin e të shtunës në lagjën Ulpianë të Prishtinës u djeg në banesë, ku e vetme gjendej një vajzë 4-vjeçare, e cila u ngulfat nga tymi i zjarrit që u shkaktua në këtë banesë, që rezuloi në vdekjen e saj.
Sipas banorëve të ndërtesës, vajza ato momente ka qenë e vetme mes katër mureve të banesës. Dhe sipas tyre e ëma e vajzës së vdekur e ka lënë shpesh herë vajzën vetëm, pasi që po e njëjta punon si këngëtare në bare të ndryshme të Kosovës, dhe kthimi i saj në shtëpi në të shumtën e rasteve është mëngjesi i çdo dite!
“Fëmija që ka dal pa shenja jete unë e kom pa.. nuk e di a e ka nxjerr qeky djali jem.. ajo ka ardhë e ka pa tim e flakë, edhe, në 5 e diçka, ..’, thotë një banore.
Një banore e cila nuk ka dashur të flasë para kamerës, theksoi se nëna e vajzës ka thënë se shkak i zjarrit ka qenë instalimi i dobët i rrymës.
“Dëgjova prej kojshive që ka thanë s’ka qenë rryma unë rrymën e kom pas mirë, se ajo ka thënë instalimi s’ka qenë mirë, unë me ta kojshi jam qe 15 vjet këtu unë kom dëgju që iu ka kall, jo që ka pas diçka që prishet po qeshtu i lajnë fëmijët…”, tha një tjetër.
Ndërsa Policia, ka thënë për T7 se rrethanat e zjarrit janë duke u hetuar dhe kanë bërë të ditur se e kanë ndaluar për 48 orë, nënën e fëmijës, që vdiq në orët e hershme të mëngjesit të sotëm në Prishtinë.
“Me 07.04.2018 rreth ores 06:15 ne lagjen Ulpiana -Prishtinë është përfshirë nga zjarri banesa prone e një femre shtetase e Shqipërisë. Si pasojë e zjarrit lëndime të rënda trupore ka pësuar një fëmijë 4 vjec. E lënduara është dërguar në tretman mjekësor në QKUK. Njësiti i zjarrëfikësve ka fikur zjarrin njësitë policore janë duke u marrë me rastin. Rreth orës 07:40, në QKUK, ka ndërruar jetë fëmija që ka pësuar nga zjarri në banesë”,
E nga Zyra e Informimit e QKUK’së, është thënë se për shkak se fëmija ka qenë në gjendje të rëndë, krahas përpjekjeve, nuk ka arritur të mbijetojë./Gazeta Express/