Klinika e Pediatrisë ka njoftuar se pacienti 5-vjeçar, i cili është i hospitalizuar në Kujdesin Intensiv Pediatrik, i është nënshtruar sot një ndërhyrjeje kirurgjikale në nivel të shputave.
Sipas njoftimit, operimi është realizuar nga ekipet specialistike të Ortopedisë dhe Kirurgjisë Plastike, në përputhje me indikacionet mjekësore, përcjell Gazeta Shneta.
Gjatë procedurës kirurgjikale, gjendja e pacientit ka qenë stabile, ndërsa pas përfundimit të ndërhyrjes ai është transferuar sërish në Kujdesin Intensiv Pediatrik, ku po vazhdon trajtimin dhe mbikëqyrjen postoperatore.
Nga Shërbimi Spitalor dhe Klinik Universitar i Kosovës bëjnë të ditur se, për shkak të ndjeshmërisë së rastit, aktualisht nuk do të jepen detaje shtesë, ndërsa çdo përditësim do të bëhet përmes Zyrës për Informim./Gazeta Shneta/
