Shërbimi Spitalor Klinik Universitar ka njoftuar se numri i pacientëve të hospitalizuar ka shënuar rënie në krahasim me ditë më parë.
Aktualisht në Klinika dhe Spitale Rajonale janë duke u trajtuar 76 pacientë përderisa ditë më parë ishin mbi 90 pacientë duke kërkuar trajtim mjekësorë pas infektimit me coronavirus.
Sipas raportit të ShSKUK-së dy pacientë janë në Mjekim Intensiv nën asistimin me oksigjeno- terapi përderisa 26 pacientë të tjerë janë të shtrirë në Klinikën Infektive.
Në Klinikën e Pediatrisë janë tetë pacientë ndërsa në atë të Gjinekologjisë shtatë të tillë.
Sa i përketë spitaleve rajonale, në raport thuhet se në Spitalin e Pejës janë të shtrirë 14 pacientë të infektuar me coronavirus, tetë në atë të Gjakovës, shtatë në Gjilan si dhe katër në Mitrovicë.
Aktualisht në nivel vendi janë mbi 9 mijë raste aktive me COVID-19. /Gazeta Shneta/