Sipas raportit të fundit të publikuar nga Shërbimi Spitalor Klinik dhe Universitar i Kosovës (ShSKUK), në klinikat Covid të QKUK-së dhe spitalet e përgjithshme janë duke u trajtuar 84 pacientë.
Vetëm në QKUK janë të hospitalizuar 76 pacientë, 33 të konfirmuar pozitiv me Covid, 45 me oksigjeno-terapi dhe tre në gjendje të rëndë shkruan Gazeta Shneta.
Në anën tjetër, në Klinikën Infektive janë të hospitalizuar 33 pacientë, prej tyre tre në gjendje të rëndë, ndërsa në Klinikën e Pulmologjisë janë 43 pacientë.
Në spitalet e përgjithshme janë të hospitalizuar 8 pacientë, prej tyre 7 janë të konfirumuar pozitiv dhe tre me oksigjeno-terapi.
Fatmirësisht, në Spitalin e Pejës nuk është raportuar asnjë pacientë me Covid, kurse në Spitalin e Gjilanit janë të hospitalizuar 5 pacientë./GazetaShneta/