Në organizimin e protestës kundër abortit i cili është organizuar sot në Zagreb të Kroacisë, është bërë një marsh me emrin ‘Marshi për Jetën’’, derisa në këtë tubim morën pjesë rreth 10 mijë persona.
Derisa, protesta të ngjashme janë zhvilluar edhe në qytetin e Splitit si dhe në Rijeka. Në Split turma ishte ngushëlluar me fjalët e kryepeshkopit Marin Barisiq i cili ju ka bërë thirrje që të mbrojnë jetën. Në anën tjetër në Rijeka kishte një kundër-protestë, të titulluar “Marsh për Liri”. Ndërsa kjo protestë nuk kaloi pa përleshje derisa policia raporton se ka arrestuar mbi 20 gra aktiviste, siç transmeton Reuters.
Kujtojmë që aborti është legal në Kroaci deri në javën e 10’të të shtatzënisë. Ndërsa, ligji për abortin është që prej vitit 1978, kur Kroacia atëbotë ishte pjesë e Jugosllavisë. Aktivistët në anën tjetër po kërkojnë që ky ligj të lagohet. Vitin e kaluar, një gjykatë kroate kishte vendosur që të hidhte poshtë kërkesën për shfuqizimin e abortit. Derisa kujtojmë që 90 për qind e popullsisë është e besimit katolikë dhe Kisha luan rol vendimtar në këtë shoqëri.