Konkursi për drejtorë të pesë klinikave në QKUK, tashmë është drejt fundit. Kandidatët që kanë marr më shumë se 50 pikë në test, do të ftohen në intervistat me gojë.
Janë publikuar rezultatet e testit me shkrim të kandidatëve për drejtorë të klinikës së Kirurgjisë Vaskulare, Kirurgjisë Plastike, Endokrinologjisë, Gastroenterologjisë dhe Pediatrisë. Komisioni në përbërje të tre anëtarëve, Dr. Fakir Spahiu, Skender Kandic dhe Dr. Fatime Kokollari, kanë vendosur pikët për kadidatët si më poshtë, shkruan Gazeta Shneta.
Për Klinikën e Kirurgjisë Vaskulare testit i janë nënshtruar katër kandidatë, pasi njëri prej tyre ka munguar. Hajriz Rudari ka marr 89 pikë, Elmi Olluri 67 pikë dhe Bekim Ademi 41 pikë. Për pozitën e drejtorit të klinikës së Kirurgjisë Plastike, në test kanë hyrë tre kandidatë ku prej tyre Zejnë Buja ka marr më së shumti 79 pikë, Violeta Zatriqi 43 dhe Agim Berisha 31 pikë.
Për Klinikën e Endokrinologjisë kanë kandiduar më së shumti mjekë, megjithëse gjysma e tyre nuk kanë marr pjesë në test. Drita Mekuli është vlerësuar me më së shumti pikë, 89 sosh. Pas saj vjen Venera Berisha-Muharremi me 77 dhe Merita Emini Sadiku me 68 pikë. Konkurrencë të madhe ka pasur edhe në Klinikën e Gastroenterologjisë. Drejtori i tanishëm Zaim Gashi ka fituar më së shumti pikë, 77. Visar Berisha ka marr 62, Arbër Veliu 60, Skënder Telaku 54 dhe Visar Zekaj 44 pikë.
Ndërsa në Klinikën e Pediatrisë testit i është nënshtruar vetëm kandidatja Drita Qosaj e cila ka marr 61 pikë. Në test ka abstenuar kandidati Bardhyl Abrashi, ndërsa ka munguar Virgjina Hasbahta. /Gazeta Shneta/
